Það hefur lítið gengið hjá Rúriki Gíslasyni og liðsfélögum hans í Sandhausen í 2. deild í Þýskalandi. Þjálfari liðsins var rekinn fyrir stuttu og liðið situr í næst neðsta sæti deildarinnar.
„Þjálfarinn var rekinn núna um helgina. Þetta er upp og niður í þessum bolta."
Rúrik hefur verið að spila sem hægri vængbakvörður hjá liðinu og kann ágætlega við þá stöðu.
„Það er staða sem að mér líst ágætlega vel á. Þetta er ekkert í fyrsta skipti sem að leikmaður færist aftar á völlinn eftir því sem hann eldist. Það er bara undir þjáfaranum komið hvar ég spila. Ég geri ekki kröfu á hvar ég spila á meðan ég fæ mínútur."
Rúrik segir að íslenska liðið sé staðráðið í því að hefna sín á Sviss annað kvöld.
„Það þarf að hefna sín og svara nokkrum gagnrýnisröddum. Við förum inn í þennan leik alveg eins og við förum inn í alla leiki. Við erum með háleit markmið og höfum náð að standa undir þeim markmiðum í langan tíma, fyrir utan síðustu tvo skelli."
„Það er alveg eðlilegt að jafnvægið fer aðeins þegar nýjir þjálfarar koma. Ég hef mjög góða tilfinningu fyrir framhaldinu og mér finnst vera stígandi í þessu."
Viðtalið við Rúrik má sjá í heild sinni hér að ofan.
Athugasemdir