Virgil Van Dijk leikmaður Liverpool og hollenska landsliðsins hefur nú dregið sig úr landsliðshópi Hollands sem leikur æfingaleik gegn Belgum á þriðjudag.
Hollenska knattspyrnusambandið gaf það út núna í morgun að Dijk sé ennþá að jafna sig á meiðslum sem hann varð fyrir gegn Southampton þann 22. september.
Um er að ræða meiðsli í rifbeinum sem Dijk finnur ennþá fyrir og engin áhætta tekin með því að láta hann spila æfingaleik.
Dijk skoraði fyrsta mark Hollands í gær þegar þeir tóku á móti Þjóðverjum. Lokatölur 3-0 Hollandi í vil.
Salah hefur einnig dregið sig úr leikmannahópi Egyptalands vegna meiðsla en næsti leikur Liverpool er gegn Huddersfield þann 20. október næstkomandi.
Athugasemdir