fös 14. október 2022 21:20
Jóhann Þór Hólmgrímsson
Heimild: KSÍ.is 
Jörundur ráðinn yfirmaður fótboltamála hjá KSÍ
Jörundur Áki Sveinsson
Jörundur Áki Sveinsson
Mynd: Fótbolti.net - Hafliði Breiðfjörð

Jörundur Áki Sveinsson hefur verið ráðinn yfirmaður fótboltamála hjá KSÍ en þetta kemur fram á heimasíðu knattspyrnusambandsins.


KSÍ auglýsti stöðuna í ágúst síðastliðinn en Arnar Þór Viðarsson landsliðsþjálfari hafði gengt þessari stöðu áður.

Jörundur er með mikla reynslu af þjálfun en hann hefur verið starfsmaður knattspyrnusviðs KSÍ síðustu ár og þjálfari U16 og U17 landsliða karla. Jörundur hefur þjálfað U21, U17 og U16 landslið karla og öll landslið kvenna og á að baki um eitt hundrað leiki sem aðalþjálfari landsliða, auk fjölmargra leikja sem aðstoðarþjálfari. Að auki hefur hann stýrt meistaraflokksliðum karla og kvenna í samtals um þrjú hundrað KSÍ-leikjum.

KSÍ birti lista yfir helstu verkefni og ábyrgð yfirmanns fótboltamála sem má sjá hér fyrir neðan.

Helstu verkefni og ábyrgð sviðsstjóra knattspyrnusviðs KSÍ

Sviðsstjóri knattspyrnusviðs vinnur að því að efla faglega þekkingu og framþróun á knattspyrnusviði sambandsins þannig að sviðið standist alþjóðlegan samanburð. Sviðsstjóri hefur auk þess umsjón með markmiðasetningu því tengdu og vinnur að þróun afreksstefnu sambandsins.

- Yfirumsjón með samskiptum við aðildarfélög sambandsins og yfirþjálfara þeirra þegar kemur að eflingu og stuðningi við þeirra faglega starf.

- Sviðsstjóri er ábyrgur fyrir samræmingu og framþróun á vinnubrögðum við þjálfun landsliða og ber að sjá til þess að sú þekking sem er innan KSÍ nýtist íslenskri knattspyrnu sem best.

- Starfar með landsliðsnefndum KSÍ og öðrum fastanefndum eftir atvikum.

- Aðkoma að áætlanagerð og skipulagningu við rekstur knattspyrnusviðs og starfsmannahaldi þess í samráði við framkvæmdastjóra.

- Aðkoma að þjálfun landsliða.


Athugasemdir
banner
banner
banner
banner
banner