Pep segir að Liverpool sé helsti keppinautur Man City um titilinn

Guardiola sagði hinsvegar á fréttamannafundi í dag að Liverpool væri ekki búið að missa af lestinni og sé enn helsti keppinauturinn um titilinn en liðin eigast við á sunnudag.

„Ef það væru tíu leikir eftir þá myndi ég sagja að ég teldi að Liverpool gæti ekki náð efsta sætinu. En á þessum tímapunkti getur allt gerst. Ég þekki vel gæðin sem Liverpool býr yfir, það hefur alltaf verið erfitt að spila gegn þeim og ég býst ekki við neinu öðru á sunnudaginn," segir Guardiola.

City hefur orðið Englandsmeistari fjórum sinnum á síðustu fimm árum en Liverpool skákaði þeim 2019-2020.

„Fyrir nokkrum mánuðum var Liverpool að keppast um að ná fjórum titlum. Þeir voru betri í úrslitaleik Meistaradeildarinnar en töpuðu. Þetta er sama lið með sama stjóra. Við búum okkur alltaf undir að mæta bestu útgáfunni af mótherjum okkar."