Lukaku fékk 33 mínútur á vellinum, Alexis 17 en Foden aðeins eina. Þrátt fyrir það átti Foden fleiri heppnaðar sendingar heldur en Lukaku og Alexis samanlagt.

Foden átti sjö sendingar á mínútunni sem hann spilaði og rötuðu allar á samherja. Til samanburðar átti Lukaku þrjár sendingar, en aðeins tvær þeirra heppnuðust. Alexis átti aðeins eina sendingu.

Þrátt fyrir að eiga lítið af sendingum tókst Lukaku að fiska vítaspyrnu þegar hann leyfði Ederson að brjóta á sér innan vítateigs. Anthony Martial skoraði úr spyrnunni og minnkaði muninn í 2-1 en nær komust Rauðu djöflarnir ekki.

Englandsmeistararnir sigldu sigrinum í höfn og eru með tveggja stiga forystu á toppi úrvalsdeildarinnar.

Man Utd er í áttunda sæti, tólf stigum eftir nágrönnum sínum.