Bandaríska landsliðið hafði ekki unnið leik síðan í september
Bandaríska kvennalandsliðið vann Þýskaland, 2-1, í vináttulandsleik í gærkvöldi en þetta var fyrsti sigur liðsins síðan í september.
Heimsmeistararnir höfðu tapað síðustu þremur leikjum sínum og meðal annars gegn Þýskalandi fyrir þremur dögum.
Jule Brand, leikmaður Wolfsburg, kom Þjóðverjum á bragðið í gær en Sophia Smith jafnaði metin áður en Mallory Pugh gerði sigurmarkið fyrir Bandaríkin.
Liðin eru komin á fullt í undirbúning fyrir HM sem fer fram í Ástralíu og Nýja-Sjálandi á næsta ári.
Bandaríkin hafa fjórum sinnum unnið HM á meðan Þjóðverjar hafa unnið mótið tvisvar.
Athugasemdir
