14.12.22 - 10:21
Elvar Geir Magnússon
Dáði Messi sem barn og er núna að spila með honum á HM
Julian Alvarez og Lionel Messi.
Mynd: EPA
Alvarez í leiknum gegn Króötum.
Mynd: EPA
Julian Alvarez og Lionel Messi.
Mynd: EPA
Draumar geta svo sannarlega ræst. Hinn 22 ára Julian Alvarez fór á kostum ásamt goðsögninni Lionel Messi, 35 ára, þegar Argentína vann 3-0 sigur gegn Króatíu í undanúrslitum HM í Katar.
Þessi mynd hér að neðan var tekin fyrir áratug síðan en þá fékk Alvarez mynd af sér með hetjunni sinni. Í gær lagði Messi upp annað af tveimur mörkum sem Alvarez skoraði á stærsta sviðinu. Hitt markið skoraði Messi úr vítaspyrnu sem Alvarez fékk.
Þessi mynd hér að neðan var tekin fyrir áratug síðan en þá fékk Alvarez mynd af sér með hetjunni sinni. Í gær lagði Messi upp annað af tveimur mörkum sem Alvarez skoraði á stærsta sviðinu. Hitt markið skoraði Messi úr vítaspyrnu sem Alvarez fékk.
22 ára og 316 daga gamall varð Alvarez yngsti leikmaðurinn til að skora tvennu í undanúrslitum eða úrslitum í 64 ár. Árið 1958 skoraði 17 ára gamall Pele þrennu í 5-2 sigri gegn Frakklandi í undanúrslitum, fimm dögum síðar skoraði hann tvö í úrslitaleiknum. Aftur vann Brasilía 5-2, núna gegn heimamönnum í Svíþjóð.
Alvarez er núna kominn með fjögur mörk á HM og hann var einn besti leikmaður vallarins í gær.
Fyrr á árinu gekk þessi spennandi leikmaður í raðir Manchester City. Hann er kominn með fimm mörk á tímabilinu fyrir City en hefur skiljanlega aðeins verið í skugganum af Erling Haaland. En það er ljóst að kastljósið mun beinast í auknum mæli í áttina að Alvarez seinni hluta tímabilsins.
Vá! Vá! Vá! Lionel Messi með frábæra takta er hann leggur upp þriðja mark Argentínu á Alvarez pic.twitter.com/diq1zesakY
— RÚV Íþróttir (@ruvithrottir) December 13, 2022
Alvarez í leiknum gegn Króötum.
Mynd: EPA
