Birkir Már Sævarsson spilar í dag sinn 88. landsleik á ferlinum þegar Ísland mætir Eistlandi í vináttuleik klukkan 16:45.
Smelltu hér til að fara í textalýsingu frá leiknum
Smelltu hér til að fara í textalýsingu frá leiknum
Birkir Már er fyrirliði Íslands í leiknum í dag líkt og í 2-2 jafnteflinu gegn Svíum á föstudag.
Hann kemst upp að hlið Eiðs Smára Guðjohnsen yfir flesta landsleiki en Eiður spilaði einnig 88 leiki á ferli sínum.
Hermann Hreiðarsson er næstleikjahæstur með 89 leiki en líklegt er að Birkir fari upp fyrir hann í mars þegar Ísland mætir Andorra og Frakklandi í fyrstu leikjunum í undankeppni HM.
Rúnar Kristinsson er leikjahæstur í sögu íslenska landsliðsins með 104 leiki en Birkir gæti saxað vel á met hans á þessu ári.
Birkir Már spilaði sinn fyrsta landsleik árið 2007 en hann var þá 22 ára gamall og hafði aldrei leikið með yngri landsliðum Íslands. Leið hans í fremstu röð var öðruvísi en hjá mörgum leikmönnum eins og Birkir talaði um í viðtali við Fótbolta.net árið 2015.
Athugasemdir