Ole Gunnar Solskjær setti þær kröfur á leikmenn og starfsmenn Manchester United að þeir væru í jakkafötum þegar þeir mættu til leiks á Wembley fyrir leikinn gegn Tottenham á sunnudag.
Undir stjórn Jose Mourinho máttu leikmenn mæta í æfingagallanum á völlinn á leikdegi, en Manchester Evening News fengu fregnir af því að Solskjær hafi sett þá reglu að menn ættu að mæta í jakkafötum á völlinn.
Solskjær sækir þarna í hefð sem Sir Alex Ferguson hélt við. Menn ættu að mæta í jakkafötum í útileiki og í ferðalög þegar það voru Evrópuleikir. Louis Van Gaal hélt einnig í þessa hefð en Mourinho hafði ekki þessa reglu.
Michael Carrick, þjálfari hjá Manchester United, skrifaði í ævisögu sinni að Sir Alex vildi alltaf hafa sína menn vel klædda, þeir væru fyrirmyndir og táknmyndir félagsins.
Athugasemdir