Tveir leikir eru á dagskrá í deildinni á morgun en Cagliari fær Parma í heimsókn í fyrri leik dagsins og Atlanta tekur á móti AC Milan í þeim síðari. Aðeins eitt stig skilur Milan og Atlanta að en bæði liðin í harðri baráttu um Meistaradeildarsæti.

Eins og svo oft áður eru það sunnudagarnir sem að eru stærstir á Ítalíu en sex leikir fara fram þá og hefst fyrsti leikurinn strax klukkan 11:30 þegar SPAL og Fiorentina eigast við.

Þrír leikir fara fram klukkan 14:00 áður en að Inter og Sampdoria mætast í beinni útsendingu á Stöð 2 Sport 3. Það hefur verið mikil ólga í herbúðum Inter undanfarna daga og vikur en gengi liðsins verið dapurt. Mauro Icardi var til að mynda sviptur fyrirliðabandinu í vikunni.

Lokaleikur sunnudagsins er viðureign Napoli og Torino. Napoli er fyrir umferðina ellefu stigum á eftir Juventus í öðru sæti deildarinnar. Torino siglir lygnan sjó í 8. sætinu.

Umferðin klárast á mánudagskvöld þegar Roma og Bologna eigast við en lið Bologna aðeins nælt sér í átján sig á leiktíðinni og situr í 17. sæti.

Í kvöld:
19:30 Juventus – Frosinone (Stöð 2 Sport 2)

Laugardagur:
17:00 Cagliari – Parma
19:30 Atlanta – AC Milan (Stöð 2 Sport 2)

Sunnudagur:
11:30 SPAL – Fiorentina (Stöð 2 Sport 3)
14:00 Udinese – Chievo
14:00 Genoa – Lazio
14:00 Empoli – Sassuolo
17:00 Inter – Sampdoria (Stöð 2 Sport 3)
19:30 Napoli – Torino (Stöð 2 Sport)

Mánudagur:
19:30 Roma – Bologna (Stöð 2 Sport 2)