Guðmundur Þórarinsson átti flottan leik fyrir IFK Norrköping þegar liðið mætti Malmö í æfingaleik í Svíþjóð í dag.
Það fer að styttast í það að Allsvenskan hefjist en liðin eru nú á lokastigi undirbúningsins. Gummi Tóta mætir Andra Rúnari Bjarnasyni í fyrstu umferð deildarinnar þann 31. mars. Andri Rúnar leikur með Helsingborg.
Guðmundur lagði upp þriðja mark Norrköping í leiknum fyrir Svíann Kalle Holmberg.
Leiknum lauk með 4-1 sigri Norrköping en liðið skoraði fjögur mörk í röð eftir að hafa lent 0-1 undir.
Alfons Sampsted spilar einnig með liðinu en hann var ekki í leikmannahóp liðsins í dag.
Guðmundur Þórarinsson var ekki valinn í landsliðshóp Íslands sem að var opinberaður í gær þrátt fyrir tvær góðar frammistöður í landsliðsverkefninu í janúar þegar liðið spilaði tvo leiki í Katar.
46' MÅL!! IFK Norrköping har verkligen fått in anfallsspelet och utökar sin ledning genom en styrning från Kalle Holmberg. Assisterad den här gången ifrån Gudi Thorarinsson.
— IFK Norrköping (@ifknorrkoping) March 15, 2019
⚪️🔵 IFK-MFF | 3-1 | #ifknorrköping
Athugasemdir
