„Ég er búinn að vera í Dubai síðustu vikur og var bara í rólegheitum, vitandi að hann væri við stjórnvölinn. Ég var mjög undrandi að fá skilaboðin. Paul Scholes hefur ekki viljað ræða ástæður þess sem fékk hann til að taka þessa ákvörðun," segir eigandinn.

Lemsagam reyndi að hringja í Scholes og ræða málin en hann vildi ekki tala við hann, sagðist þegar vera búinn að taka ákvörðun.

Scholes var aðeins einn mánuð í starfi hjá Oldham.

Scholes stjórnaði liðinu í sjö leikjum en hann sá einungis sigur í einum þeirra.

„Á þessum stutta tíma sem að ég stýrði Oldham var mér það ljóst nokkuð snemma að hlutirnir væru ekki alveg eins og ég vonaðist eftir hjá félaginu og því ákvað ég að stíga til hliðar," sagði Scholes.

Oldham er nú aftur komið í þjálfaraleit en liðið mætir Tranmere á laugardag. Liðið situr í fjórtánda sæti ensku D-deildarinnar.

Scholes er 44 ára. Hann vann 11 Englandsmeistaratitla, þrjá bikarmeistaratitla og tvo Meistaradeildartitla sem leikmaður Manchester United.