Alþjóðaknattspyrnusamband FIFA samþykkti í dag að notast við VAR-tæknina á HM kvennalandsliða næsta sumar. Þetta var samþykkt er stjórnin kom saman í Miami í dag.
FIFA notaðist við VAR-tæknina í fyrsta sinn á heimsmeistaramóti karla í Rússlandi í fyrra.
Myndbandstæknin hefur verið notuð í stærstu deildum í Evrópu en hún mun svo mæta til leiks í ensku úrvalsdeildina á næsta tímabili og ljóst að VAR er framtíðin.
Í fyrsta sinn verður VAR notað í kvennaboltanum á vegum FIFA en tæknin hefur ekki verið notuð í keppnum hjá félagsliðum til þessa.
Það verður því fjör á HM í Frakklandi næsta sumar og verður því fræga VAR herbergið notað þar.
Athugasemdir