Atalanta 0 - 2 Lazio
0-1 Sergej Milinkovic-Savic ('82)
0-2 Joaquin Correa ('90)
0-1 Sergej Milinkovic-Savic ('82)
0-2 Joaquin Correa ('90)
Lazio er ítalskur bikarmeistari í sjöunda sinn og í fyrsta sinn frá árinu 2013. Lazio hafði betur gegn Atalanta í leik sem fram fór á Ólympíuleikvanginum í Róm í kvöld.
Juventus hefur unnið bikarkeppnina fjögur ár í röð en núna fer nýtt nafn á bikarmeistaratitlinn. Atalanta sló út Juventus í 8-liða úrslitunum en náði ekki að leggja Lazio að velli.
Leikurinn var í járnum alveg fram á 82. mínútu en þá skoraði serbneski miðjumaðurinn Sergej Milinkovic-Savic fyrsta mark leiksins fyrir Lazio.
Í uppbótartímanum bætti Joaquin Correa við öðru marki og þar við sat. Lokatölur 2-0 fyrir Lazio sem er ítalskur bikarmeistari.
Það eru tvær umferðir eftir af ítölsku úrvalsdeildinni. Þar er Lazio í áttunda sæti og Atalanta í fjórða sæti.
Athugasemdir