Lestu um leikinn: Víkingur R. 3 -  4 Stjarnan

„Það voru óþarfa hjartatruflanir í lokin eftir að við komumst í 4-1. Víkingarnir gerðu feykivel í að koma aftur til baka. Það var samt algjört helvítis klúður hjá okkur að hleypa þeim í leikinn," sagði Rúnar.

„Víkingarnir eru með stórskemmtilegt lið og eru til alls líklegir. Mér leið ekkert sérstaklega vel."

Stjörnumenn skoruðu fjögur mörk í kvöld en sóknarleikur þeirra hefur fengið talsverða gangrýni í upphafi móts.

„Maður hlustar ekkert á það helvítis kjaftæði. Við getum alltaf skorað mörk. Í gegnum tíðina höfum við verið að vinna marga leiki naumt en svo koma af og til leikir sem við vinnum stórt. Það ýtir markatölunni upp og hefur ekkert breyst."

Rúnar Páll vildi hvorki játa né neita því að Valur hefði gert tilboð í Guðmund Stein.

„Það verða allir áfram hjá okkur. Við erum með góðan hóp og feykilega skemmtilegt lið. Það er enginn að fara frá okkur áður en glugginn lokar, og enginn að koma til okkar."

Sjáðu viðtalið í heild sinni í sjónvarpinu hér að ofan.