Manchester City lenti tveimur mörkum undir í mikilvægum leik gegn West Ham í dag. Sigur hefði svo gott sem fært liðinu Englandsmeistaratitilinn þrátt fyrir tap í lokaumferðinni.
Sú varð þó ekki raunin en City náði að jafna í síðari hálfleik og fékk svo vítaspyrnu undir lokin til að taka öll stigin en Lukasz Fabianski varði meistaralega frá Riyad Mahrez.
„Þetta var frábær endurkoma gegn erfiðu liði á erfiðum útivelli. Þeir eru virkilega góðir og sterkir varnarlega en við áttum mjög góðan leik. Ég sagði við strákana í hálfleik að halda áfram að gera það sem þeir voru að gera, við þurftum bara eitt mark til að komast aftur í leikinn og sem betur fer skoruðum við skömmu eftir það," sagði Pep Guardiola stjóri City að leikslokum.
„Núna er bara einn leikur eftir og ég get lofað ykkur að Etihad Stadium verður uppseldur. Við munum gera okkar besta til að vinna titilinn.
„Það hefði verið fullkomið að vinna í dag en West Ham er að berjast um Evrópudeildina og hafa átt ótrúlegt tímabil."
Þrátt fyrir jafnteflið er þetta enn í höndum City sem getur tryggt sér titilinn með sigri á heimavelli gegn Aston Villa í lokaumferðinni.
„Þetta verður ekki auðveldur leikur, það er mikið af tilfinningum og við þurfum að einbeita okkur að því að halda rónni og mæta ferskir í leikinn. Við höfum heila viku til að undirbúa okkur og munum gera allt til að vinna.
„Þetta er sem betur fer enn í okkar höndum."
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 32 | 21 | 7 | 4 | 62 | 24 | +38 | 70 |
| 2 | Man City | 31 | 19 | 7 | 5 | 63 | 28 | +35 | 64 |
| 3 | Man Utd | 31 | 15 | 10 | 6 | 56 | 43 | +13 | 55 |
| 4 | Aston Villa | 32 | 16 | 7 | 9 | 43 | 38 | +5 | 55 |
| 5 | Liverpool | 32 | 15 | 7 | 10 | 52 | 42 | +10 | 52 |
| 6 | Chelsea | 32 | 13 | 9 | 10 | 53 | 41 | +12 | 48 |
| 7 | Brentford | 32 | 13 | 8 | 11 | 48 | 44 | +4 | 47 |
| 8 | Everton | 32 | 13 | 8 | 11 | 39 | 37 | +2 | 47 |
| 9 | Brighton | 32 | 12 | 10 | 10 | 43 | 37 | +6 | 46 |
| 10 | Sunderland | 32 | 12 | 10 | 10 | 33 | 36 | -3 | 46 |
| 11 | Bournemouth | 32 | 10 | 15 | 7 | 48 | 49 | -1 | 45 |
| 12 | Fulham | 32 | 13 | 5 | 14 | 43 | 46 | -3 | 44 |
| 13 | Crystal Palace | 31 | 11 | 9 | 11 | 35 | 36 | -1 | 42 |
| 14 | Newcastle | 32 | 12 | 6 | 14 | 45 | 47 | -2 | 42 |
| 15 | Leeds | 31 | 7 | 12 | 12 | 37 | 48 | -11 | 33 |
| 16 | Nott. Forest | 32 | 8 | 9 | 15 | 32 | 44 | -12 | 33 |
| 17 | West Ham | 32 | 8 | 8 | 16 | 40 | 57 | -17 | 32 |
| 18 | Tottenham | 32 | 7 | 9 | 16 | 40 | 51 | -11 | 30 |
| 19 | Burnley | 32 | 4 | 8 | 20 | 33 | 63 | -30 | 20 |
| 20 | Wolves | 32 | 3 | 8 | 21 | 24 | 58 | -34 | 17 |
