AC Milan er komið með aðra hönd á titilinn eftir frábæran sigur gegn nágrönnum sínum í Atalanta.
Leikurinn var nokkuð jafn en gæðin í liði AC Milan skinu í gegn og skópu sigurinn. Staðan var markalaus þar til Rafael Leao skoraði snemma í síðari hálfleik.
Hann gerði einfalt mark þar sem löng sending úr vörninni skilaði sér í færi þökk sé þeim gífurlega hraða og krafti sem býr í Leao.
Theo Hernandez tvöfaldaði forystuna tuttugu mínútum síðar og aftur var það eftir skyndisókn nema að aðeins einn leikmaður snerti boltann í þetta sinn.
Theo vann boltann af Jeremie Boga og hljóp frá eigin vítateig upp allan völlinn og skoraði eitt af allra bestu mörkum sem hafa sést á þessu tímabili.
Atalanta vildi fá dæmt brot í aðdraganda beggja markanna þar sem leikmenn liðsins töldu harðhenta varnarmenn Milan hafa brotið á þeim til að vinna boltann í báðum mörkunum.
Milan er með fimm stiga forystu á toppi ítölsku deildarinnar en Inter er í öðru sæti og þarf sigur gegn erfiðu fallbaráttuliði Cagliari í kvöld.
Ef Inter vinnur í kvöld þá getur Milan tryggt sér Ítalíumeistaratitilinn í lokaumferðinni, á útivelli gegn Sassuolo. Milan nægir jafntefli þar til að tryggja sér titilinn.
Milan 2 - 0 Atalanta
1-0 Rafael Leao ('56)
2-0 Theo Hernandez ('75)
Napoli felldi þá Genoa með þriggja marka sigri á meðan Bologna tapaði heimaleik gegn Sassuolo.
Victor Osimhen og Lorenzo Insigne komust á blað hjá Napoli og þá gerðu ítölsku landsliðsmennirnir Gianluca Scamacca og Domenico Berardi mörk Sassuolo.
Napoli siglir lygnan sjó í þriðja sæti á meðan Bologna og Sassuolo eru um miðja deild.
Genoa, sem á sér magnaða sögu í ítalska boltanum, er því fallið niður í Serie B eftir að fimmtán ár í Serie A.
Napoli 3 - 0 Genoa
1-0 Victor Osimhen ('32)
2-0 Lorenzo Insigne ('65, víti)
3-0 Stanislav Lobotka ('81)
Bologna 1 - 3 Sassuolo
0-1 Gianluca Scamacca ('33)
0-2 Domenico Berardi ('75)
0-3 Gianluca Scamacca ('80)
1-3 Riccardo Orsolini ('92, víti)
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 37 | 27 | 5 | 5 | 86 | 32 | +54 | 86 |
| 2 | Napoli | 37 | 22 | 7 | 8 | 57 | 36 | +21 | 73 |
| 3 | Roma | 37 | 22 | 4 | 11 | 57 | 31 | +26 | 70 |
| 4 | Milan | 37 | 20 | 10 | 7 | 52 | 33 | +19 | 70 |
| 5 | Como | 37 | 19 | 11 | 7 | 61 | 28 | +33 | 68 |
| 6 | Juventus | 37 | 19 | 11 | 7 | 59 | 32 | +27 | 68 |
| 7 | Atalanta | 37 | 15 | 13 | 9 | 50 | 35 | +15 | 58 |
| 8 | Bologna | 37 | 16 | 7 | 14 | 46 | 43 | +3 | 55 |
| 9 | Lazio | 37 | 13 | 12 | 12 | 39 | 39 | 0 | 51 |
| 10 | Udinese | 37 | 14 | 8 | 15 | 45 | 47 | -2 | 50 |
| 11 | Sassuolo | 37 | 14 | 7 | 16 | 46 | 49 | -3 | 49 |
| 12 | Torino | 37 | 12 | 8 | 17 | 42 | 61 | -19 | 44 |
| 13 | Parma | 37 | 10 | 12 | 15 | 27 | 46 | -19 | 42 |
| 14 | Genoa | 37 | 10 | 11 | 16 | 41 | 50 | -9 | 41 |
| 15 | Fiorentina | 37 | 9 | 14 | 14 | 40 | 49 | -9 | 41 |
| 16 | Cagliari | 37 | 10 | 10 | 17 | 38 | 52 | -14 | 40 |
| 17 | Lecce | 37 | 9 | 8 | 20 | 27 | 50 | -23 | 35 |
| 18 | Cremonese | 37 | 8 | 10 | 19 | 31 | 53 | -22 | 34 |
| 19 | Verona | 37 | 3 | 12 | 22 | 25 | 59 | -34 | 21 |
| 20 | Pisa | 37 | 2 | 12 | 23 | 25 | 69 | -44 | 18 |
