Stefán Gíslason þjálfari Leiknismanna var skiljanlega ekki léttur á brún eftir tap gegn þéttum og skipulögðum Þórsurum í dag á Leiknisvelli. Leiknisliðið var inn í leiknum langtímum saman en niðurstaðan annar þriggja marka tapleikur í jafnmörgum leikjum.
“Við erum náttúrulega alls ekki sáttir – að tapa hérna heima þrjú núll. Það sem í raun og veru ég hef mestar áhyggjur af er að við spila tvo leiki og ekki skorað og tilfinnining var að við hefðum getað spilað töluvert mikið lengur án þess að skora. Við erum ekki að ógna markinu og erum ekki að skapa okkur nægjanlega mikið“.
“Við erum náttúrulega alls ekki sáttir – að tapa hérna heima þrjú núll. Það sem í raun og veru ég hef mestar áhyggjur af er að við spila tvo leiki og ekki skorað og tilfinnining var að við hefðum getað spilað töluvert mikið lengur án þess að skora. Við erum ekki að ógna markinu og erum ekki að skapa okkur nægjanlega mikið“.
Lestu um leikinn: Leiknir R. 0 - 3 Þór
“Í hálfleik fannst mér, var tilfinningin þannig að við vorum vel inn í þessum leik og var alls ekkert ósáttur að mörgu leyti í hálfleik – við þurfum að skerpa á nokkrum hlutum, aðallega í kringum þeirra teig og á síðasta þriðjungnum sem við vildum reyna að vera skarpari".
Þannig að þetta var skrítinn leikur. Tvö jöfn lið en munurinn í dag er framherjinn hjá Þór sem skorar tvö og leggur upp eitt. Það gerði út um leikinn".
Þórsarar gerðu út um leikinn á fjögurra mínútna leikkafla í síðari hálfleik þegar þeir skoruðu tvö mörk. Fyrra markið var sérlega klaufalegt og það síðara virtist vera hreinn afrakstur þess að Leiknisliðið datt úr sambandi í kjölfar annars marksins.
“Jújú það er kannski hægt að kalla þetta að einhverju leyti einbeitingarleysi, á móti þá verður maður bara að hrósa senternum hjá Þór (innsk: Alvaro Montejo) þessi mörk sem hann skorar og hreyfingin í fyrsta markinu, styrkurinn og hraðinn í seinna, hann er bara greinilega með gæði sem stundum er erfitt að stoppa“.
Viðtalið í heild sinni má nálgast í spilaranum hér að ofan
Athugasemdir
