Gunnhildur Yrsa Jónsdóttir lék allan leikinn þegar Utah Royals spilaði við Orlando Pride í bandarísku deildinni í gær.
Utah byrjaði leikinn vel og komst yfir á áttundu mínútu. Orlando jafnaði hins vegar í uppbótartíma fyrri hálfleiks og var það Alex Morgan sem gerði það. Morgan er ein frægasta knattspyrnukona heims - leikmaður bandaríska landsliðsins.
Í upphafi seinni hálfleiks komst Orlando yfir þegar Kristen Edmons kom boltanum í netið.
Það reyndist síðasta mark leiksins og urðu lokatölur 2-1 fyrir Orlando.
Hvað þýða þessi úrslit?
Þetta var þriðji tapleikur Utah í röð og er liðið í sjötta sæti af níu liðum með 21 stig. Orlando er í þriðja sæti.
Athugasemdir