En fyrrum enski landsliðsframherjinn Gary Lineker er með annan kandídat í huga. Hann er á því að franski miðjumaðurinn N’Golo Kante hafi verið bestur maður mótsins hingað til.

„Að mínu mati hefur N’Golo verið besti leikmaðurinn á HM hingað til," sagði Lineker við L’Equipe.

„Hann er ekki leikmaðurinn sem talað er mest um en með hann innanborðs spilar Frakkland með 12 leikmenn. Hann er eins og tveir miðjumenn, hann er alls staðar."

Lineker er gríðarlegur aðdáandi Kante. Leicester er uppeldisfélag Lineker en Kante hjálpaði Leicester að verða Englandsmeistari 2016.