Eftir úrslitaleikinn á HM, sem Frakkland vann, voru bestu leikmenn mótsins verðlaunaðir.
Í annað skiptið í röð fékk leikmaður úr tapliðinu í úrslitaleiknum verðlaunin. Luka Modric, fyrirliði Króatíu, var valinn besti leikmaður mótsins, en fyrir fjórum árum var það Lionel Messi. Eftirminnilegt var það þegar Messi tók við verðlaununum en líklega hefur aldrei neinn verið eins fúll að taka við verðlaunum.
Kylian Mbappe, vonarstjarna Frakklands, var valinn besti ungi leikmaðurinn. Einhverjir vildu sjá hann verða valinn besti leikmaðurinn, en ekki gerðist það í þetta skiptið.
Harry Kane fékk gullskóinn og hinn belgíski Thibaut Courtois var valinn besti markvörður mótsins.
Sjá einnig:
Frakkland er Heimsmeistari í fótbolta
Athugasemdir