England í dag - Englandsmeistararnir fara á Emirates

Liverpool er meistari en Jürgen Klopp og hans menn hafa hins vegar sett stefnuna á stigametið í deildinni. Manchester City á metið en liðið náði 100 stigum tímabilið 2017-2018.

Til þess að bæta metið þarf Liverpool að vinna alla þrjá leikina sem eftir eru. Á meðan er Arsenal í harðri baráttu um Evrópudeildarsæti en liðið þarf að vinna sína leiki og treysta á að önnur lið tapi stigum.

Arsenal er enn með í FA-bikarnum en á þó erfitt verkefni gegn Manchester City eftir þrjá daga. City mætir einmitt Bournemouth í úrvalsdeildinni klukkan 17:00 í dag og þá mætast Newcastle og Tottenham.

Tottenham er enn með í baráttunni um Evrópudeildarsæti en eins og Arsenal þá þurfa liðin að treysta á að annað Manchester United, Wolves og Sheffield United tapi stigum.

Leikir dagsins:
17:00 Man City - Bournemouth
17:00 Newcastle - Tottenham
17:00 Burnley - Wolves
19:15 Arsenal - Liverpool