Enski boltinn er að byrja aftur og fyrsti leikur verður hjá Bruno Fernandes og félögum í Man Utd gegn Fulham annað kvöld.
Nýtt tímabil í enska boltanum fer af stað á morgun þegar flautað verður til leiks á Old Trafford þar sem Manchester United tekur á móti Fulham í upphafsleik deildarinnar.
Fyrsta umferðin verður spiluð frá föstudegi til mánudags en stórleikur fyrstu umferðar er viðureign Manchester City og Chelsea sem fram fer á sunnudaginn klukkan 15.30.
Síminn Sport sýnir, eins og áður, alla 380 leikina í enska boltanum en hitað verður upp fyrir deildina í sérstökum upphitunarþætti á Símanum Sport í kvöld.
Þátturinn verður í opinni dagskrá á Sjónvarpi Símans klukkan 20.00 en einnig á Síminn Sport og í Premium-viðmótinu sem verður nýtt heimili enska boltans í vetur.
Þátturinn verður svo áfram aðgengilegur í viðmóti Símans og hægt að nálgast hann hvenær sem er.
Athugasemdir
