Árituð landsliðstreyja frá varnarnaglanum Sif Atladóttur verður seld til góðgerðarmála í happdrætti og kostar miðinn aðeins 1000 krónur. Þetta er treyjan sem Sif keppti í gegn Frakklandi á EM 2017.
Dreginn verður út vinningshafi í leiknum mánudaginn 17. september kl. 19:00. Allur ágóði rennur til Krabbameinsfélags Íslands.
Charityshirts.is stendur fyrir happdrættinu en stefnt er að því að bjóða upp á mismunandi íþróttatreyjur í hverri viku og mun allur ágóði renna til góðgerðarmála.
Aron Jóhannsson safnaði 32.000kr fyrir Barnaspítalasjóð Hringsins í síðustu viku og hafa fjórir leikmenn safnað samtals 180.000kr ásamt Charity Shirts.
Athugasemdir