Atletico Madrid lenti í vandræðum gegn Eibar. Sergi Enrich kom Eibar yfir á 89. mínútu en varamaðurinn Borja Garces Moreno jafnaði í uppbótartíma fyrir Atletico.

Atletico er ekki að fara vel af stað og er liðið aðeins með fimm stig eftir fjóra leiki. Eibar er með fjögur stig.

Barcelona hafði þá betur gegn Real Sociedad í leik sem var að klárast fyrir skammri stund. Sociedad leiddi lengi vel en Barcelona sneri dæminu við um miðbik seinni hálfleiks. Luis Suarez jafnaði og Ousmane Dembele kom Börsungum yfir. Það reyndist vera sigurmarkið.

Barcelona er á toppi deildarinnar með 12 stig en erkifjendurnir í Real Madrid geta jafnað Barca að stigum með sigri á Athletic Bilbao í kvöld. Sá leikur hefst klukkan 18:45.

Atletico Madrid 1 - 1 Eibar
0-1 Sergi Enrich ('89 )
1-1 Borja Garces Moreno ('90 )

Real Sociedad 1 - 2 Barcelona
1-0 Aritz Elustondo ('12 )
1-1 Luis Suarez ('63 )
1-2 Ousmane Dembele ('66 )