Pétur skoraði fernu.
„Þetta var frábær hálfleikur. Þetta er örugglega besti hálfleikurinn okkar í sumar," sagði Pétur Theódór Árnason, sóknarmaður Gróttu, eftir 8-0 sigur á Aftureldingu.
Lestu um leikinn: Grótta 8 - 0 Afturelding
Pétur er þar að tala um fyrri hálfleikinn. Grótta var 6-0 yfir að honum loknum og hafði Pétur þá skorað fernu.
„Menn voru klárir í þetta. Við ætlum að enda þetta mót vel. Það er einn leikur eftir núna."
„Þetta var ótrúlega góð frammistaða hjá okkur og virkilega skemmtilegur leikur."
Pétur gengur í raðir Breiðabliks eftir tímabilið. Hann var að spila sinn síðasta heimaleik fyrir Gróttu í kvöld. „Það var nokkurn veginn draumurinn að enda þetta svona."
Hægt er að sjá allt viðtalið hér að ofan.
