„Þetta er súrt," sagði Arnór Ingvi Traustason, leikmaður íslenska landsliðsins, eftir svekkjandi tapi gegn Sviss í Þjóðadeildinni á Laugardalsvelli í kvöld.
Lestu um leikinn: Ísland 1 - 2 Sviss
Tapið þýðir það að Ísland er fallið úr A-deild Þjóðadeildarinnar og mun spila í B-deild í næstu keppni. Ísland hefur tapað öllum þremur leikjum sínum hingað til.
„Það voru ákvarðanartökur sem klikkuðu, seinustu sendingar og seinasta slútt - þetta gekk ekki alveg."
Um fyrra mark Sviss hafði Arnór þetta að segja:
„Það voru nokkrar sekúndur sem við misstum einbeitingu, það er alls ekkert sjálfstraust sem vantar. Ég er ósammála þér þar. Við tökum það út úr þessu verkefni að við spiluðum gegn Frökkum og spiluðum að mestu leyti vel hér. Við erum með eitthvað sem við getum byggt á."
Að lokum var Arnór spurður út í dómarann en hann vildi sem minnst tjá sig um hann.
Viðtalið er í heild sinni hér að ofan.
Athugasemdir