mán 15. október 2018 20:43
Egill Sigfússon
Einkunnir Íslands - Frábært mark Alfreðs
Icelandair
Jóhann Berg Guðmundsson í leiknum í kvöld
Jóhann Berg Guðmundsson í leiknum í kvöld
Mynd: Fótbolti.net - Hafliði Breiðfjörð
Ísland tapaði 2-1 fyrir Sviss í Þjóðardeild UEFA á Laugardalsvelli í kvöld en liðið var grátlega nálægt því að jafna leikinn.

Hér má sjá einkunnagjöf kvöldsins.

Hannes Þór Halldórsson 6
Hannes átti fínan leik, varði vel á köflum og gat lítið gert í mörkunum sem hann fékk á sig.

Hólmar Örn Eyjólfsson 5
Var í smá basli í leiknum.

Ragnar Sigurðsson 6
Var besti maðurinn í vörninni í dag.

Kári Árnason 6
Kári og Raggi voru fínir í leiknum í dag, gerðu fá mistök.

Hörður Björgvin Magnússon 4
Hörður var alls ekki að eiga góðan dag, var áhorfandi í öðru marki Sviss.

Rúnar Már Sigurjónsson 6
Rúnar er að finna sig vel með landsliðinu, gerði lítið sóknarlega en stóð sig vel varnarlega.

Birkir Bjarnason 7
Birkir var besti maður vallarins fyrri hluta leiks og var að vinna einvígin á miðjunni, er að finna sig vel í þeirri stöðu.

Gylfi Þór Sigurðsson 7
Gylfi var að venju góður í dag og var óheppinn að skora ekki í fyrri hálfleik þegar Mvogo varði mjög vel frá honum.

Jóhann Berg Guðmundsson 6
Skilaði sínu í kvöld.

Arnór Ingvi Traustason 4
Kom lítið úr honum í kvöld og var skipt útaf eftir annað mark Sviss.

Alfreð Finnbogason 8 - Maður leiksins
Alfreð elskar að skora mörk og markið hans í kvöld var rándýrt!

Varamenn:
Rúrik Gíslason 6
Rúrik kom með líf inn í leikinn, átti fína spretti og var nálægt því að jafna leikinn með skoti rétt framhjá.

Albert Guðmundsson spilaði ekki nóg til að fá einkunn.
Athugasemdir
banner
banner
banner