Ronald Koeman, landsliðsþjálfari Hollands, hefur róað taugar allra stuðningsmanna Liverpool.
Virgil van Dijk, varnarmaður Liverpool - einn besti varnarmaður ensku úrvalsdeildarinnar, dró sig út úr landsliðshópi Hollands eftir að hafa spilað 90 mínútur í 3-0 sigri gegn Þýskalandi í Þjóðadeildinni síðastliðinn laugardag.
Meiðsli í rifbeinum hafa verið að hrjá Van Dijk en Koeman segir að Van Dijk verði tilbúinn í næsta leik Liverpool.
„Hann er farinn aftur til Liverpool en verður klár í þeirra næsta leik. Við tókum sameiginlega ákvörðun um að hvíla hann."
Holland spilar vináttulandsleik gegn Belgíu á morgun en næsti leikur Liverpool er við Huddersfield á laugardag.
Mohamed Salah og James Milner eru tæpir fyrir leikinn gegn Huddersfield og spurningamerki hvort þeir geti spilað.
Athugasemdir