„Þetta er hrikalega svekkjandi að ná ekki að jafna í lokin en það var partur í leiknum í dag þar sem við vorum ekki nógu góðir. Gott lið eins og Sviss refsar okkur," sagði Rúnar Már Sigurjónsson, miðjumaður íslenska landsliðsins, eftir tap gegn Sviss í Þjóðadeildinni á Laugardalsvelli í kvöld.
Tapið þýðir það að Ísland er fallið úr A-deild Þjóðadeildarinnar.
Tapið þýðir það að Ísland er fallið úr A-deild Þjóðadeildarinnar.
Lestu um leikinn: Ísland 1 - 2 Sviss
„Eftir á að hyggja, svona fljótt eftir leikinn, þá var fyrsta korterið í báðum hálfleikjum ekki gott. Þeir ná að opna okkur og teyma okkur út úr stöðum, það má ekki gera á móti þeim."
„Ég er ánægður að við skulum vera að bæta okkur en það er drulluleiðinlegt að tapa leikjum. Sú er tilfinningin strax eftir þennan leik."
Rúnar Már er farinn að spila meira eftir að Erik Hamren tók við. „Það er frábært að fá að spila, það er gott að fá traust. Eftir svona svekkjandi tap er ég samt lítið að pæla í því, ég er pirraður að tapa þessu."
Viðtalið er í heild sinni hér að ofan.
Athugasemdir
