Fyrsta landsliðið sem vinnur á Spáni í 15 ár
England varð í kvöld fyrsta liðið til að leggja Spánverja á Spáni í 15 ár. England vann 3-2 sigur á Spáni í Andalúsíu, í A-deild Þjóðadeildarinnar.
England byrjaði leikinn frábærlega og leiddi 3-0 eftir fyrri hálfleikinn. Raheem Sterling skoraði tvisvar og Marcus Rashford skoraði líka. Þetta voru fyrstu landsliðsmörk Sterling frá því í október 2015.
Spánn minnkaði muninn í seinni hálfleik. Hinn sjóðheiti Paco Alcacer skoraði á 58. mínútu og þegar lítið var eftir skoraði Sergio Ramos. Lengra komust Spánverjar hins vegar ekki og sigur Englands staðreynd.
England átti ekki skot í seinni hálfleiknum en það kom ekki að sök. Sigur er sigur.
Spánn er á toppi riðilsins með sex stig, England er með fjögur stig og Króatía er með eitt stig. Króatía hefur leikið tvo leiki en hin liðin hafa leikið þrjá leiki.
A superb game and a great result for @England 👏🏻👏🏻👏🏻 👏🏻#ESPENG
— Alan Shearer (@alanshearer) October 15, 2018
Finnland og Bosnía unnið alla sína leiki
Í B-deild var Edin Dzeko maður kvöldsins þegar Bosnía lagði Norður-Írland. Bosnía er með fullt hús stiga í sínum riðli og er að gera vel. Norður-Írland er án stiga.
Pyry Soiri, sem er gríðarlega vinsæll á Íslandi, skoraði fyrir Finnland í 2-0 sigri á Grikklandi í C-deild. Finnland er að spila frábærlega og er með fullt hús stiga eftir fjóra leiki.
Eistland og Ungverjaland gerðu jafntefli í markaleik í C-deild og í D-deild voru tveir leikir. Lúxemborg vann San Marínó auðveldlega og þá gerðu Hvíta-Rússland og Moldavía markalaust jafntefli.
Hér að neðan eru úrslit og markaskorarar kvöldsins.
A-deild
Spánn 2 - 3 England
0-1 Raheem Sterling ('16 )
0-2 Marcus Rashford ('30 )
0-3 Raheem Sterling ('38 )
1-3 Paco Alcacer ('58 )
2-3 Sergio Ramos ('90 )
Sjá einnig:
Ísland fallið niður í B-deild - Svekkjandi tap gegn Sviss
B-deild
Bosnía og Hersegóvína 2 - 0 Norður-Írland
1-0 Edin Dzeko ('27 )
2-0 Edin Dzeko ('73 )
C-deild
Eistland 3 - 3 Ungverjaland
1-0 Siim Luts ('20 )
1-1 Dominik Nagy ('24 )
1-2 Adam Szalai ('54 )
2-2 Mate Patkai ('70 , sjálfsmark)
3-2 Henri Anier ('79 )
3-3 Adam Szalai ('81 )
Finnland 2 - 0 Grikkland
1-0 Pyry Soiri ('46 )
2-0 Glen Kamara ('89 )
D-deild
Hvíta-Rússland 0 - 0 Moldavía
Lúxemborg 3 - 0 San Marínó
1-0 David Turpel ('4 )
2-0 Danel Sinani ('65 )
3-0 Vincent Thill ('73 )
Rautt spjald:Alex Gasperoni, San Marino ('54)
England are the first team to beat Spain at home in over 15 years 🙌
— talkSPORT (@talkSPORT) October 15, 2018
RT if it’s coming home 🏴 #ESPENG pic.twitter.com/8pttaXbnVn
Athugasemdir