Elli Eiríks dæmir viðureign botnliðanna

25. umferð Bestu deildarinnar verður leikin um helgina. Það verður 'Lífsbaráttulaugardagur' í dag en þrjú neðstu lið Bestu deildarinnar verða í eldlínunni klukkan 14.

Tvö neðstu liðin, Leiknir og ÍA, eigast við í svakalega mikilvægum leik sem Erlendur Eiríksson dæmir. Eysteinn Hrafnkelsson og Ragnar Þór Bender eru aðstoðardómarar og Elías Ingi Árnason er fjórði dómari.

Á sama tíma leika Keflavík og FH suður með sjó en Einar Ingi Jóhannsson dæmir þann leik.

Í dag verða einnig tveir leikir í efri hlutanum. Víkingur og KA mætast klukkan 17 og klukkan 19:15 leika nýkrýndir Íslandsmeistarar Breiðabliks gegn KR í Kópavogi.

Hér má sjá hverjir dæma leiki helgarinnar en Guðgeir Einarsson dæmir leik Vals og Stjörnunnar. Það er hans fyrsti leikur í efstu deild.