England: Palace átti einungis eitt skot á markið í markalausu jafntefli
James Maddison fékk gult spjald fyrir dýfu.
Mynd: Getty Images
James Maddison fékk gult spjald fyrir dýfu.
Mynd: Getty Images
Leicester City 0 - 0 Crystal Palace
Fyrsta leik dagsins í ensku úrvalsdeildinni er lokið en þar áttust við Leicester City og Crystal Palace á King Power vellinum í Leicester.
Leikurinn var mjög bragðdaufur og var ekki mikið um opin færi í þessum leik. Bæði liðin hafa verið í brasi á þessu tímabili en Leicester komst tímabundið upp úr neðsta sæti deildarinnar eftir þennan leik.
Gestirnir voru betra liðið í leiknum í fyrri hálfleik en náðu þó ekki að skora. Það sem Brendan Rodgers, stjóri Leicester City, sagði við leikmenn sína í hálfleiknum virðist hafa virkað því Leicester spilaði töluvert betur í þeim síðari.
Heimamenn voru líklegri en Palace í að skora í síðari hálfleiknum en þeir sóttu töluvert og þá sérstaklega undir restina. Vörnin hjá Palace hélt hins vegar vel og markalaust jafntefli staðreynd.
Undir lok leiks fékk James Maddison gult spjald en hann tók þá dýfu. Hann verður í banni í leiknum gegn Leeds í næstu umferð.
Leicester fer upp úr fallsætinu tímabundið en Palace er í 15. sæti deildarinnar.
Stöðutafla
| # | Lið | L | mun | Stig |
|---|---|---|---|---|
| 1 | Arsenal | 38 | +44 | 85 |
| 2 | Manchester City | 38 | +42 | 78 |
| 3 | Manchester Utd | 38 | +19 | 71 |
| 4 | Aston Villa | 38 | +7 | 65 |
| 5 | Liverpool | 38 | +10 | 60 |
| 6 | Bournemouth | 38 | +4 | 57 |
| 7 | Sunderland | 38 | -6 | 54 |
| 8 | Brighton | 38 | +6 | 53 |
| 9 | Brentford | 38 | +3 | 53 |
| 10 | Chelsea | 38 | +6 | 52 |
| 11 | Fulham | 38 | -4 | 52 |
| 12 | Newcastle | 38 | -2 | 49 |
| 13 | Everton | 38 | -3 | 49 |
| 14 | Leeds | 38 | -7 | 47 |
| 15 | Crystal Palace | 38 | -10 | 45 |
| 16 | Nott. Forest | 38 | -3 | 44 |
| 17 | Tottenham | 38 | -9 | 41 |
| 18 | West Ham | 38 | -19 | 39 |
| 19 | Burnley | 38 | -37 | 22 |
| 20 | Wolves | 38 | -41 | 20 |
