Fjórir leikmenn voru að skrifa undir samninga við knattspyrnudeild Selfoss og eru þeir allir hugsaðir sem mikilvægir framtíðarleikmenn.
Selfoss féll óvænt úr Inkasso-deildinni í haust og mun því leika í 2. deildinni næsta sumar. Það verður í fyrsta sinn í rúman áratug, eða síðan 2007, sem Selfoss er í deild fyrir neðan Inkasso.
Guðmundur Axel Hilmarsson skrifaði undir samning og eru miklar væntingar bornar til hans. Hann er fæddur 2001 og spilaði 18 leiki í Inkasso-deildinni í sumar.
Guðmundur Tyrfingsson er sá yngsti sem skrifar undir samning en hann er fæddur 2003 og á tvo keppnisleiki að baki með meistaraflokki Selfyssinga.
Rangæingurinn Þormar Elvarsson skrifaði þá einnig undir en hann er fæddur 2000 og spilaði 13 leiki í deild og bikar í ár. Jökull Hermannsson, 1998, er sá elsti af félögunum og lék hann sex leiki í deild og bikar í sumar.
Fjórir leikmenn skrifa samning við Selfoss
— selfossfotbolti (@selfossfotbolti) November 14, 2018
Nú á dögunum skrifuðu þeir Þormar Elvarsson, Jökull Hermannsson, Guðmundur Axel Hilmarsson og Guðmundur Tyrfingsson undir samninga við knattspyrnudeild Selfoss.#fotboltinet pic.twitter.com/V8J5ETzwZD
Athugasemdir