Sverrir í leiknum í kvöld.
„Já eflaust eru þetta sanngjörn úrslit," voru fyrstu orð Sverris Inga eftir 2-0 tap gegn Belgum í Þjóðardeildinni í kvöld
„Þeir eru auðvitað bara meina og minna með boltann og við vissum alveg að þetta yrði svona. Við þurftum að verjast vel sem og við gerðum."
„Við héldum þeim vel í skefjum og fram að fyrsta markinu voru þeir ekkert búnir að skapa neitt mikið. Eftir fyrsta markið þeirra þá vitum við að þetta verður erfitt."
Sverrir segir að frammistaða liðsins hafi verið góð.
„Heilt yfir getum við verið stoltir af frammistöðunni. Það voru margir ungir strákar sem komu inn í dag og vonandi gerir það okkur bara meira klára fyrir undakeppnina sem að hefst í mars"
Íslandi spilaði með þrjá miðverði í kvöld og fannst Sverri það ganga vel.
„Ég auðvitað þekki þetta frá Rostov. Mér fannst þetta bara ganga vel miðað við að þetta sé í fyrsta skipti, við fengum ekki margar æfingar í þessu kerfi. Auðvitað eru þetta mikil hlaup fyrir ákveðnar stöður. Við getum vonandi notað þetta kerfi í framtíðinni ef að við þurfum þess."
Athugasemdir
