banner
banner
föstudagur 29. mars
Lengjubikar kvenna - A-deild úrslit
miðvikudagur 27. mars
Úrslitaleikur Lengjubikarsins
þriðjudagur 26. mars
Umspilsleikur um EM sæti
U21 karla - EM 25 undankeppni
fimmtudagur 21. mars
EM umspilið
miðvikudagur 20. mars
Lengjubikar karla - Undanúrslit
sunnudagur 10. mars
Enska úrvalsdeildin
þriðjudagur 27. febrúar
Landslið kvenna - Þjóðadeild umspil
föstudagur 23. febrúar
fimmtudagur 1. febrúar
Úrslitaleikur Reykjavíkurmótsins
fimmtudagur 18. janúar
Vináttulandsleikur
sunnudagur 14. janúar
fimmtudagur 14. desember
Sambandsdeild UEFA
föstudagur 8. desember
Úrslitaleikur Bose-mótsins
þriðjudagur 5. desember
Þjóðadeild kvenna
mánudagur 4. desember
Umspil fyrir HM U20
föstudagur 1. desember
Þjóðadeild kvenna
fimmtudagur 30. nóvember
Sambandsdeild UEFA
sunnudagur 19. nóvember
Undankeppni EM
fimmtudagur 9. nóvember
Sambandsdeild UEFA
þriðjudagur 31. október
Landslið kvenna - Þjóðadeild
föstudagur 27. október
fimmtudagur 26. október
Sambandsdeild UEFA
miðvikudagur 18. október
Forkeppni Meistaradeildar kvenna
þriðjudagur 17. október
Undankeppni EM
föstudagur 13. október
þriðjudagur 10. október
Meistaradeild kvenna
sunnudagur 8. október
Besta-deild karla - Efri hluti
fimmtudagur 5. október
Sambandsdeild UEFA
mánudagur 2. október
Besta-deild karla - Efri hluti
sunnudagur 1. október
Besta-deild karla - Neðri hluti
Besta-deild karla - Efri hluti
Besta-deild karla - Neðri hluti
föstudagur 29. september
Fótbolti.net bikarinn
þriðjudagur 26. september
Landslið kvenna - Þjóðadeild
mánudagur 25. september
Besta-deild karla - Efri hluti
sunnudagur 24. september
Besta-deild karla - Neðri hluti
Besta-deild karla - Efri hluti
Besta-deild karla - Neðri hluti
Lengjudeild karla - Umspil
laugardagur 23. september
Besta-deild karla - Neðri hluti
Fótbolti.net bikarinn
föstudagur 22. september
Landslið kvenna - Þjóðadeild
fimmtudagur 21. september
Sambandsdeildin
miðvikudagur 20. september
Besta-deild karla - Efri hluti
Lengjudeild karla - Umspil
Besta-deild karla - Neðri hluti
mánudagur 18. september
fimmtudagur 14. september
Besta-deild kvenna - Efri hluti
miðvikudagur 13. september
þriðjudagur 12. september
Undankeppni EM U21 landsliða
mánudagur 11. september
Undankeppni EM
sunnudagur 10. september
Besta-deild kvenna - Neðri hluti
fimmtudagur 28. mars
CHAMPIONS LEAGUE: Playoffs - Women
Barcelona W 3 - 1 SK Brann W
Vináttulandsleikur
Argentina U-16 2 - 3 Cote dIvoire U-16
Czech Republic U-16 1 - 2 Mexico U-16
France U-16 6 - 2 Saudi Arabia U-16
Japan U-16 2 - 1 Wales U-16
banner
þri 15.nóv 2022 17:37 Mynd: Getty Images
Magazine image

D-riðillinn: Á miðjunni liggur vandamálið

Það er innan við vika heimsmeistaramótið í Katar. Við höldum áfram að hita upp fyrir riðlakeppnina með því að birta fréttir um hvern riðil. Núna er komið að D-riðlinum en í þeim riðli eru:

Frakkland 🇫🇷
Ástralía 🇦🇺
Danmörk 🇩🇰
Túnis 🇹🇳

1. Frakkland 🇫🇷
Staða á heimslista: 4
Frakkarnir eru ríkjandi heimsmeistarar. Þeir voru gríðarlega stöðugir í Rússlandi og voru verðskuldaðir meistarar. Frakkar eru með gríðarlega djúpa laug af hæfileikum en þeir hafa lent í vandræðum fyrir þetta mót með meiðsli. Bæði N'Golo Kante og Paul Pogba - miðjan sem hjálpaði við að skila titlinum 2018 - er fjarri góðu gamni vegna meiðsla og það er óhætt að segja að vandamál Frakkana sé á miðsvæðinu. Þar eru þeir mun veikari en annars staðar á vellinum.

Adrien Rabiot og Mattéo Guendouzi eru ekki að fara að skila þér titlinum.



Þjálfarinn: Didier Deschamps


Var stórgóður leikmaður og hefur sannað það að hann er líka stórgóður þjálfari. Það hefur ekki öllum tekist að halda franska hópnum samheldnum í gegnum stórmót en hann hefur núna gert það í áratug. Hefur lagt ofur-áherslu á að liðið sé saman í verkefninu og engir einstaklingar eru framar liðinu. Það þykir líklegt að þetta verði síðasta mót Deschamps með franska liðið. Önnur goðsögn, Zinedine Zidane, er tilbúin að taka við keflinu.

Lykilmaður: Karim Benzema


Var valinn besti fótboltamaður í heimi á dögunum. Stórkostlegur sóknarmaður sem gerir yfirleitt leikmennina í kringum sig mun betri. Er tiltölulega nýmættur aftur í franska landsliðið eftir nokkurra ára útlegð vegna ásakana í hans garð. Hann var sakaður um að fjárkúga sinn eigin liðsfélaga, Mathieu Valbuena. Það er núna gleymt og grafið og Benzema er mættur aftur. Hann og Kylian Mbappe líta ótrúlega vel út á pappír og núna er það þeirra að sýna gæðin sem þeir búa yfir inn á vellinum.



Fylgist með: Aurelien Tchouameni


Efnilegur og kraftmikill miðjumaður sem fær stórt tækifæri í fjarveru Pogba og Kante inn á miðsvæðinu. Er hann tilbúinn í þetta? Hann var keyptur til Real Madrid á stóra fjárhæð í sumar og núna þarf hann að sýna sig og sanna á stóra sviðinu, því allra stærsta.



2. Danmörk 🇩🇰
Staða á heimslista: 10
Ef þú ert að giska á lið sem gæti komið á óvart á HM, þá er Danmörk mjög fínt gisk. Þeir unnu Frakkland tvisvar í Þjóðadeildinni fyrr á þessu ári og eru satt best að segja til alls líklegir á þessu móti. Þetta verður tveggja liða barátta í þessum riðli - það er engin spurning hvaða tvö lið fara áfram - en Danmörk getur hæglega endað fyrir ofan heimsmeistarana.

Þjálfarinn: Kasper Hjulmand


Tók við liðinu af Age Hareide fyrir um tveimur árum og hefur tekist að vinna afskaplega gott starf. Það er uppselt á alla landsleiki sem spilaðir eru í Danmörku og er Hjulmand stór ástæða fyrir því. Hann er með skemmtilegar hugmyndir um fótbolta og er búinn að búa til gott lið sem getur farið langt á þessu móti.

Lykilmaður: Christian Eriksen


Það sem átti sér stað á EM í fyrra mun lifa lengi í minningunni. Eriksen fór í hjartastopp í fyrsta leik Danmerkur, en þökk sé skjótum og góðum viðbrögðum þá var lífi hans bjargað. Danska liðið þjappaði sér saman í kjölfarið á þessum óhugnanlega atburði og komst í undanúrslit. Eriksen hefur gert ótrúlega í því að koma til baka og kemur inn í mótið á blússandi siglingu eftir flott upphaf á tímabilinu með Manchester United. Fágaður fótboltamaður sem getur breytt leikjum upp á sitt einsdæmi.



Fylgist með: Joakim Mæhle


Réttfættur vinstri bakvörður sem leikur með Atalanta á Ítalíu. Var stórkostlegur á EM í fyrra. Það er einhver klassi yfir honum sem er virkilega heillandi að fylgjast með.

3. Ástralía 🇦🇺
Staða á heimslista: 38
Ástralía lenti í miklu basli á leið sinni til Katar. Þetta var langur vegur fyrir Ástralana en þeir komust að lokum inn á mótið í gegnum umspil þar sem þeir höfðu betur - í vítaspyrnukeppni - gegn Perú frá Suður-Ameríku. Ástralía er að fara á sitt fyrsta HM í röð og þeir koma sprækir til leiks eftir dramatíska undankeppni, en það þarf nánast kraftaverk til þess að þeir fari upp úr þessum riðli.

Þjálfarinn: Graham Arnold


Hefur gengið í gegnum hæðir og lægðir - aðallega lægðir - frá því hann tók við fyrir fjórum árum. Þessi 59 ára gamli þjálfari var næstum því rekinn á meðan undankeppninni stóð en hann náði að ganga í gegnum storminn og var að lokum kallaður 'taktískur snillingur' þegar Ástralía kom sér inn á mótið. Er ekki allra. Treystir á föst leikatriði og skyndisóknir. Gamli skólinn.

Lykilmaður: Ajdin Hrustic


Það hafa oft verið stærri stjörnur í ástralska liðinu en akkúrat núna, það er enginn Tim Cahill, Mark Viduka eða Harry Kewell í þessu liði. Líklega er Hrustic mikilvægasti leikmaður liðsins. Skapandi miðjumaður sem spilar fyrir Hellas Verona á Ítalíu. Er sterkur í föstum leikatriðum og er heilt yfir mikilvægasti leikmaður liðsins.

Fylgist með: Garang Kuol


Einn yngsti leikmaðurinn á HM þetta árið, bara 18 ára gamall. Var nýverið keyptur til Newcastle og það er vonir bundnar við hann. Verður virkilega spennandi að sjá hvort hann fái einhver tækifæri á þessu móti.



4. Túnis 🇹🇳
Staða á heimslista: 30
Að lokum er það Túnis. Þjálfari þeirra talar um að það væru vonbrigði ef liðið kemst ekki upp úr riðlinum. Þeir geta kannski horft í það að gera eitthvað gegn Ástralíu en það þyrfti eitthvað ótrúlegt kraftaverk til þess að liðið eigi möguleika á því að fara áfram - rétt eins og hjá Ástralíu.

Þjálfarinn: Jalel Kadri


Tók við liðinu í janúar á þessu ári og hefur ekki fengið sérlega mörg tækifæri til að undirbúa liðið fyrir þetta mót sem aðalþjálfari. Hann var samt sem áður aðstoðarþjálfari liðsins í fyrra og þekkir því leikmennina nokkuð vel. Hann hefur komið víða við og sinnt ýmsum störfum á 20 ára þjálfaraferli en þetta verður klárlega stærsta próf Kadri til þessa.

Lykilmaður: Youssef Msakni


Fólki í Túnis dreymdi um betri félagsliðaferil fyrir Msakni sem hefur leikið með Al Duhail í Katar lengst af. Hann hefur þá spilað með Al Arabi undanfarin ár og var lærisveinn Heimis Hallgrímssonar um nokkurt skeið. Er fyrirliði Túnis og landar hans búast við miklu af honum framarlega á vellinum.

Fylgist með: Hannibal Mejbri


Ungstirnið Hannibal Mejbri er í hópnum hjá Túnis fyrir HM í Katar. Mejbri, sem er nítján ára, er samningsbundinn Manchester United en er þessa stundina á láni hjá Birmingham í Championship deildinni. Spennandi miðjumaður sem valdi frekar að spila fyrir Túnis en Frakkland.



Fyrsti leikurinn í þessum riðli er Danmörk gegn Túnis og svo fær Ástralía verðugt verkefni gegn Frakklandi. Ef allt er eðlilegt þá verða Danmörk og Frakkland bæði með þrjú stig eftir fyrstu umferð riðilsins 22. nóvember.

Leikirnir:

þriðjudagur 22. nóvember
13:00 Danmörk - Túnis (Education City Stadium, Al Rayyan)
19:00 Frakkland - Ástralía (Al Janoub Stadium, Al Wakrah)

laugardagur 26. nóvember
10:00 Túnis - Ástralía (Al Janoub Stadium, Al Wakrah)
16:00 Frakkland - Danmörk (Stadium 974, Doha)

miðvikudagur 30. nóvember
15:00 Ástralía - Danmörk (Al Janoub Stadium, Al Wakrah)
15:00 Túnis - Frakkland (Education City Stadium, Al Rayyan)

Sjá einnig:
A-riðillinn: Van Gaal mætir með læti og bjartasta von Afríku
B-riðillinn: Kafteinn Ameríka reynir að stoppa ljónin þrjú
C-riðillinn: Síðasti dansinn hjá litla snillingnum
Athugasemdir
banner