Gylfi Þór Sigurðsson er á sínum stað hjá Everton eftir að hafa átt erfiðan leik gegn Watford síðastliðinn mánudag. Gylfi kemur eflaust tvíefldur til leiks í dag.

Kevin de Bruyne er í leikmannahópi Manchester City, hann byrjar á bekknum. De Bruyne hefur verið að glíma við erfið meiðsli á tímabilinu. Hann gæti í dag spilað sinn fjórða deildarleik á leiktíðinni.

Sergio Aguero, John Stones og Raheem Sterling eru líka á bekknum, en samt nær City að stilla upp ógnarsterku liði.

City getur komist á toppinn með sigri en ef Everton tekst að vinna leikinn þá fer liðið upp fyrir Manchester United í sjötta sæti deildarinnar.

Byrjunarlið Man City: Ederson, Walker, Laporte, Otamendi, Delph, Gundogan, Bernardo Silva, Fernandinho, Sane, Mahrez, Jesus.
(Varamenn: Muric, Stones, Aguero, De Bruyne, Zinchenko, Sterling, Foden)

Byrjunarlið Everton: Pickford, Coleman, Keane, Mina, Zouma, Digne, Gomes, Bernard, Sigurdsson, Calvert-Lewin, Richarlison.
(Varamenn: Stekelenburg, Walcott, Baines, Tosun, Schneiderlin, Davies, Lookman)