Björn Berg rotaðist og fékk heilahristing, en hann fékk að fara heim í nótt og býst ekki við því að missa af miklu.

„Ég rotaðist og fékk heilahristing, ég var úti í nokkrar mínútur. En ég er ágætur núna," sagði Björn Berg við Fótbolta.net.

„Þeir vildu vakta mig í gærkvöldi en ég fékk að fara heim í nótt. Maður tekur nokkra daga rólega og svo kemur maður sér hægt og rólega inn í þetta aftur. Þetta verður örugglega ekki langur tími."

Björn hefur verið einn besti leikmaður Grindavíkur undanfarin ár en hann tekur slaginn með Stjörnunni næsta sumar. Þessi öflugi varnarmaður er flott viðbót við lið Stjörnunnar.