Tveir leikir fóru fram í A-riðli Reykjavíkurmóts karla í kvöld en Leiknir R. burstaði ÍR 5-0 á meðan Fjölnir vann 1-0 sigur á Íslandsmeistaraliði Vals.
Leiknismenn náðu í fyrsta sigurinn á Reykjavíkurmótinu gegn nágrönnum sínum í ÍR en Sævar Atli Magnússon fór þar mikinn í liði Leiknis og skoraði fjögur mörk, þar af eitt úr vítaspyrnu.
Vuk Oskar Djimitrijevic gerði þá eitt mark fyrir Leikni en ÍR-ingar hafa farið Reykjavíkurmótið illa af stað og hefur liðið tapað öllum leikjum sínum aðeins tekist að skora eitt mark.
Leiknum lauk með 5-0 sigri Leiknis en liðið er með þrjú stig eftir tvo leiki á meðan ÍR er stigalaust eftir þrjá leiki.
Fjölnir vann þá Val 1-0. Kristófer Óskar Óskarsson gerði eina mark leiksins en hann er fæddur árið 2000. Fjölnismenn hafa litið afar vel út í mótinu og unnið alla sína leiki
Úrslit og markaskorarar:
Fjölnir 1 - 0 Valur
1-0 Kristófer Óskar Óskarsson ('35 )
Leiknir R. 5 - 0 ÍR
1-0 Sævar Atli Magnússon ('52 )
2-0 Vuk Oskar Djimitrijevic ('53 )
3-0 Sævar Atli Magnússon ('76 )
4-0 Sævar Atli Magnússon ('83, víti )
5-0 Sævar Atli Magnússon ('89 )
Athugasemdir