Heimild: Sky Sports
Watford ætlar sér ekki að missa miðjumanninn Abdoulaye Doucoure í þessum mánuði þrátt fyrir áhuga frá stórliðum á borð við Paris Saint-Germain.
Doucoure sagði á dögunum að hann yrði himinlifandi ef PSG myndi kaupa sig og fyrr í vikunni sagði hann við frönsku sjónvarpsstöðina Canal+ að hann væri að hugsa um að yfirgefa Watford til að spila í Meistaradeildinni.
Watford keypti Doucoure frá Stade Rennes fyrir 8 milljónir punda árið 2016, en félagið hefur engan áhuga á að selja hann núna.
Samkvæmt Sky Sports gæti staða Watford í þessu máli hins vegar breyst í sumar.
Watford er í sjöunda sæti ensku úrvalsdeildarinnar, en liðið stefnir á að ná sínum besta árangri frá stofnun ensku úrvalsdeildarinnar. Núverandi besti árangur félagsins er 13. sæti árið 2016.
Athugasemdir