Postecoglou til Amorim: Prófaðu þetta í tvo mánuði

Tottenham hafði betur, 1-0, en Man Utd var án átta leikmanna vegna meiðsla á meðan það vantaði fimm leikmenn í hópinn hjá Tottenham.

Tottenham hefur verið að glíma við svakaleg meiðslavandræði undanfarna mánuði og hafði verið án um 10 leikmanna í tvo mánuði þegar liðin mættust í dag.

„Það er mikið af vandamálum, starfið mitt hérna er svo erfitt. Vonandi fáum við einhverja til baka úr meiðslum fyrir næsta leik," sagði Amorim að leikslokum, en Postecoglou hafði enga samúð með honum.

„Ef ég skoða skrifstofuna mína þá fékk ég engin samúðarkort frá öðrum þjálfurum. Ég gat séð Rúben á hliðarlínunni í dag, með leikmenn spilandi úr stöðum, krakka á bekknum.... velkominn í minn heim!" sagði Postecoglou.

„En þetta er bara einn leikur. Prófaðu þetta í tvo mánuði."