Gylfi Þór Sigurðsson, leikmaður Everton og íslenska landsliðsins, er í viðtali við John Cross á Mirror. Í viðtalinu ræddi hann meðal annars um áhrifin sem Lampard-feðgarnir hafa haft á feril sinn.
Í viðtalinu ræðir hann einnig um Marco Silva, stjóra sinn hjá Everton.
Silva tók við Everton fyrir tímabilið og er samband hans við Gylfa mjög gott. Gylfi er að eiga gott tímabil og er hann að fá að spila í sínu besta hlutverki.
„Ég finn fyrir miklu trausti og mikilli trú frá stjórnum," segir Gylfi. „Ég kann mjög vel við hann og nýt þess mikið að vinna með honum."
Gylfi segir að Silva leggi mikið púður í starf sitt. Miðað við lýsingu Gylfa þá má segja að Silva sé vinnufíkill.
„Hann tekur starf sitt mjög alvarlega. Hann er beinskeyttur við leikmennina. Hann er alltaf á æfingasvæðinu. Bíllinn hans er alltaf hérna, hvort sem ég er að koma eða fara," segir Gylfi, sem er nú þekktur fyrir að verja miklum tíma á æfingasvæðinu.
Þrátt fyrir að Gylfi hafi verið að standa sig vel þá er tímabilið búið að vera vonbrigði fyrir Everton sem situr í 11. sæti ensku úrvalsdeildarinnar. Starf Silva er ekki endilega mjög öruggt.
„Okkur finnst við geta staðið í bestu liðunum og við sýndum það til dæmis í báðum leikjunum okkar gegn Liverpool. Andrúmsloftið þegar við spilum gegn Liverpool er það besta sem ég hef spilað í. Það gefur okkur aukna orku."
„Liðið okkar er betra en það sem erum að sýna í augnablikinu."
Stóð sig ekki nægilega vel í pílunni
Everton leggur mikið upp úr því að sinna samfélagsvinnu og tekur Gylfi þátt í henni fyrir hönd félagsins. Á dögunum tók Gylfi þátt í pílukasti og spilaði hann gegn Phil Jagielka og Leon Osman. Það gekk ekki nægilega vel fyrir Íslendinginn.
„Pabbi hefði ekki verið stoltur af mér," sagði Gylfi en faðir hans, Sigurður Aðalsteinsson var á sínum tíma Íslandsmeistari í pílukasti.
Pílukastið var hluti af góðgerðarkvöldi Everton. Markmiðið með kvöldinu var að safna pening fyrir geðheimili.
Everton er að spila í ensku úrvalsdeildinni gegn Chelsea á morgun. Leikurinn hefst klukkan 16:30
Stöðutaflan
England
Premier league - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 28 | 20 | 4 | 4 | 70 | 24 | +46 | 64 |
2 | Liverpool | 28 | 19 | 7 | 2 | 65 | 26 | +39 | 64 |
3 | Man City | 28 | 19 | 6 | 3 | 63 | 28 | +35 | 63 |
4 | Aston Villa | 29 | 17 | 5 | 7 | 60 | 42 | +18 | 56 |
5 | Tottenham | 28 | 16 | 5 | 7 | 59 | 42 | +17 | 53 |
6 | Man Utd | 28 | 15 | 2 | 11 | 39 | 39 | 0 | 47 |
7 | West Ham | 29 | 12 | 8 | 9 | 46 | 50 | -4 | 44 |
8 | Brighton | 28 | 11 | 9 | 8 | 50 | 44 | +6 | 42 |
9 | Wolves | 28 | 12 | 5 | 11 | 42 | 44 | -2 | 41 |
10 | Newcastle | 28 | 12 | 4 | 12 | 59 | 48 | +11 | 40 |
11 | Chelsea | 27 | 11 | 6 | 10 | 47 | 45 | +2 | 39 |
12 | Fulham | 29 | 11 | 5 | 13 | 43 | 44 | -1 | 38 |
13 | Bournemouth | 28 | 9 | 8 | 11 | 41 | 52 | -11 | 35 |
14 | Crystal Palace | 28 | 7 | 8 | 13 | 33 | 48 | -15 | 29 |
15 | Brentford | 29 | 7 | 5 | 17 | 41 | 54 | -13 | 26 |
16 | Everton | 28 | 8 | 7 | 13 | 29 | 39 | -10 | 25 |
17 | Luton | 29 | 5 | 7 | 17 | 42 | 60 | -18 | 22 |
18 | Nott. Forest | 29 | 6 | 7 | 16 | 35 | 51 | -16 | 21 |
19 | Burnley | 29 | 4 | 5 | 20 | 29 | 63 | -34 | 17 |
20 | Sheffield Utd | 28 | 3 | 5 | 20 | 24 | 74 | -50 | 14 |
Athugasemdir