Spal komst yfir í fyrri hálfleik gegn döpru liði Roma en Diego Perotti náði að jafna með marki úr vítaspyrnu snemma í síðari hálfleik.

Gleðin var þó skammlíf því Andrea Petagna kom heimamönnum aftur yfir skömmu síðar með marki úr afar umdeildri vítaspyrnu. Roma tókst ekki að jafna og komust heimamenn nálægt því að bæta þriðja markinu við fyrir leikslok.

Þetta tap er skellur fyrir Roma sem er í fimmta sæti, þremur stigum eftir Inter. Stigin koma sér vel fyrir Spal sem er núna fimm stigum frá fallsæti.

Í Sassuolo var talsvert skemmtilegri leikur í boði þar sem Fabio Quagliarella, sem hefur verið funheitur allt tímabilið, átti fullkominn fyrri hálfleik. Hann lagði fyrsta markið upp fyrir Gregoire Defrel og tvöfaldaði forystuna svo sjálfur á 36. mínútu.

Jeremie Boga, fyrrverandi leikmaður Chelsea, minnkaði muninn fyrir Sassuolo tveimur mínútum eftir mark Quagliarella en nokkrum sekúndum síðar var Karol Linetty búinn að bæta þriðja marki gestanna við og staðan 1-3 í hálfleik.

Dennis Praet gerði fjórða mark Samp í upphafi síðari hálfleiks og klóraði Alfred Duncan í bakkann fyrir heimamenn áður en Manolo Gabbiadini gerði út um leikinn.

Sassuolo 3 - 5 Sampdoria
0-1 Gregoire Defrel ('15 )
0-2 Fabio Quagliarella ('36 )
1-2 Jeremie Boga ('38 )
1-3 Karol Linetty ('39 )
1-4 Dennis Praet ('46 )
2-4 Alfred Duncan ('63 )
2-5 Manolo Gabbiadini ('72 )
3-5 Khouma Babacar ('90 )

Spal 2 - 1 Roma
1-0 Mohamed Fares ('22 )
1-1 Diego Perotti ('53 , víti)
2-1 Andrea Petagna ('60 , víti)