Rúrik Gíslason lagði upp mark þegar Sandhausen valtaði yfir St. Pauli í þýsku B-deildinni í dag.
Rúrik átti stoðsendingu í öðru marki Sandhausen rétt fyrir leikhlé. Staðan var 2-0 í hálfleik, en í seinni hálfleiknum bætti Sandhausen við tveimur mörkum til viðbótar og lokatölur því 4-0.
Með þessum flotta sigri í dag er Sandhausen komið upp úr fallsæti. Þess má geta að St. Pauli er í fjórða sæti deildarinnar.
Guðlaugur Victor Pálsson lék þá rúmar 80 mínútur þegar Darmstadt vann dramatískan sigur á Hamburger SV í sömu deild. Leikurinn endaði með 3-2 sigri Darmstadt sem skoraði sigurmarkið í uppbótartíma.
Darmstadt er um miðja deild en Hamburg er í öðru sæti og stefnir beint aftur upp í þýsku úrvalsdeildina.
Rúrik og Guðlaugur Victor eru báðir í íslenska landsliðshópnum sem var tilkynntur á dögunum. Þeir fara með sigurtilfinningu inn í komandi verkefni sem er alltaf gott.
Athugasemdir