Mirror greinir frá því að Manchester United ætlar ekki að loka æfingasvæðinu þrátt fyrir hættuna sem stafar af kórónaveirunni ógurlegu.
Mörg félög á Ítalíu og Spáni hafa þegar lokað sig af og nokkur hafa einnig gert það á Englandi, þar á meðal Chelsea, Arsenal og Liverpool.
Rauðu djöflarnir ætla ekki að grípa til þeirra aðgerða strax, heldur hafa leikmenn fengið kennslu í hvernig skal forðast smit. Þá eru leikmenn prófaðir tvisvar sinnum á dag fyrir veirunni.
Leikmenn eru prófaðir þegar þeir mæta á æfingasvæðið og svo aftur þegar þeir fara heim.
Í sigrinum gegn LASK Linz í Evrópudeildinni síðasta fimmtudag tóku leikmenn Man Utd próf í leikhlé til að sjá hvort þeir hefðu nokkuð smitast í fyrri hálfleik.
Athugasemdir
