Rúmenska knattspyrnusambandið mun á morgun fara fram á frestun á leik sínum við Ísland í umspili fyrir EM 2020. Leikurinn á að fara fram á Laugardalsvelli þann 26. mars.
Öllum fótbolta hefur verið frestað bæði á Rúmeníu og Íslandi vegna kórónuveirunnar.
Á morgun verður stór videofundur UEFA með aðildarfélögum sínum og ætlar Rúmenía að fara fram á frestun á þeim leik.
Frá þessu er sagt á heimasíðu rúmenska knattspyrnusambandsins.
Rúmenía ætlar einnig að fara fram á að EM, sem á að fara fram í sumar, verði frestað og er líklegt að það gerist. Hvenær mótið mun fara fram á þó eftir að koma í ljós.
Athugasemdir