Ederson – 8
Markvarðarstaðan var vandamál hjá City en Ederson lagaði það vandamál strax. Yfirvegaður, tekur frábærar vörslur og er í toppklassa í fótunum,

Kyle Walker – 8
Hefur þaggað niður í efasemdarröddum með geggjuðu tímabili.

Danilo – 6
Fór hægt af stað á tímabilinu en það hefur verið stígandi.

Vincent Kompany – 7
Hefur verið inn og út úr liðinu en spilað meira seinni hlutann. Stór karakter innan og utan vallar.

John Stones – 7
Byrjaði tímabilið hrikalega vel en var í basli eftir að hafa komið úr meiðslum.

Aymeric Laporte – 6
Verður dæmdur almennilega á næsta tímabili en hann lofar góðu.

Nicolas Otamendi – 8
Besti varnarmaður City á þessu tímabili. Hefur bætt sig mikið undir Guardiola.

Benjamin Mendy – 6
Nýkominn aftur eftir sjö mánaða fjarveru. Byrjaði tímabilið virkilega vel og kemur með nýja vídd næsta tímabil.

Fabian Delph – 7
Stóð sig prýðilega þegar hann fyllti skarð Mendy.

Oleksandr Zinchenko - 7
Sá leikmaður sem kom hvað mest á óvart. Stóð sig vel þegar á þurfti að halda í vinstri bakverðinum.

Ilkay Gundogan – 7
Er í gríðarlegri samkeppni en hefur sýnt í deildinni hvað hann getur.

Kevin De Bruyne – 10
Besti miðjumaður Evrópu í dag. Einfaldlega magnað tímabil. Er með augu í hnakkanum.

Yaya Toure – 6
Hefur ekki fengið mikinn spiltíma og ferli hans hjá City fer að ljúka.

Fernandinho – 9
Hefur hjálpað nýju leikmönnunum í Manchester að aðlagast og sýnt sínar bestu hliðar á sama tíma.

David Silva – 9
Hefði getað fengið 10. Hefur eytt miklum tíma á Spáni þar sem sonur hans fæddist langt fyrir tímann. Það sýnir styrk hans hve vel hann hefur leikið þrátt fyrir erfiðleika í einkalífinu.

Bernardo Silva – 7
Farinn að sýna hvað hann getur. Mun spila stórt hlutverk fyrir City í framtíðinni.

Leroy Sane – 8
Þegar hann er í gírnum er hann nánast óstöðvandi.

Raheem Sterling – 9
Hefur aðeins misstigið sig að undanförnu en hefur stærstan hluta tímabilsins verið magnaður.

Gabriel Jesus - 7
Er enn að fóta sig en hefur skorað mikilvæg mörk og vinnusemi hans hefur heillað Guardiola.

Sergio Aguero – 9
Jesus stuðaði Aguero enn frekar. Frábært tímabil hjá Argentínumanninum sem er að eiga eitt sitt besta tímabil.