Fotbolti.net
16.04.25 - 20:31
Jóhann Þór Hólmgrímsson

England: Newcastle valtaði yfir Crystal Palace - Fengið á sig tíu mörk í tveimur leikjum

Harvey Barnes hefur skorað þrjú mörk og lagt upp eitt í síðustu tveimur leikjum

Harvey Barnes hefur skorað þrjú mörk og lagt upp eitt í síðustu tveimur leikjum

Canon

Mynd: EPA

Newcastle 5 - 0 Crystal Palace
1-0 Jacob Murphy ('14 )
1-0 Eberechi Eze ('36 , Misnotað víti)
2-0 Marc Guehi ('38 , sjálfsmark)
3-0 Fabian Schar ('45 )
4-0 Harvey Barnes ('45 )
5-0 Alexander Isak ('58 )
Newcastle valtaði yfir Crystal Palace í ensku úrvalsdeildinni í kvöld. Jacob Murphy kom Newcastle yfir eftir stundafjórðung þegar hann skoraði stórbrotið mark úr þröngu færi.

Eftir rúmlega hálftíma leik fékk Crystal Palace vítaspyrnu þegar Nick Pope gerðist brotlegur. Eberechi Eze steig á punktinn en hann átti skot beint á markið sem Pope las og varði af öryggi.

Stuttu síðar varð Marc Guehi fyrir því óláni að setja boltann í eigið net eftir fyrirgjöf frá Harvey Barnes. Barnes bætti fjórða marki Newcastle við í uppbótatíma fyrri hálfleiks. Newcastle menn voru ekki hættir því Fabian Schar bætti fjórða markinu við þegar hann skoraði með skalla áður en flautað var til loka fyrri hálfleiksins.

Eftir tæplega klukkutíma leik vann Joelinton boltann við vítateig Palace og boltinn barst til Alexander Isak sem skoraði með skoti fyrir utan teiginn og innsiglaði sigur Newcastle.

Crystal Palace hefur nú fengið á sig tíu mörk í síðustu tveimur leikjum. Liðið tapaði 5-2 gegn Man City í síðustu umferð. Newcastle stökk upp fyrir Nottingham Forest í 3. sæti deildarinnar, liðið er með 59 stig eftir 32 umferðir. Crystal Palace er í 12. sæti með 43 stig.

Premier league - karlar

#LiðLmunStig
1Arsenal11+1028
2Brighton11+1923
3Man City11+822
4Bournemouth11+418
5Liverpool10+418
6Leeds11+517
7Everton10+216
8Chelsea11016
9Tottenham11+115
10Brentford10+514
11Aston Villa11-314
12Newcastle11-313
13Hull City11012
14Coventry11-812
15Fulham11-211
16Ipswich Town11-711
17Nott. Forest11-69
18Sunderland11-99
19Man Utd10-58
20Crystal Palace11-157
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.