Gunnar Magnús Jónsson, þjálfari Keflavíkur, er ánægður með stigin þrjú sem liðið krækti í á heimavelli gegn Fjölni í Inkasso-deild kvenna fyrr í kvöld.
Aníta Lind Daníelsdóttir kom Keflavík yfir snemma leiks og tvöfaldaði Mairead Clare Fulton forystuna undir lokin. Mist Þormoðsdóttir Grönvold minnkaði muninn fyrir gestina skömmu síðar og var því spenna í uppbótartímanum.
Aníta Lind Daníelsdóttir kom Keflavík yfir snemma leiks og tvöfaldaði Mairead Clare Fulton forystuna undir lokin. Mist Þormoðsdóttir Grönvold minnkaði muninn fyrir gestina skömmu síðar og var því spenna í uppbótartímanum.
„Þetta var erfiður leikur, þetta var hörkulið sem við fengum á móti okkur hér í dag. Það var léttir að ná inn öðru markinu en svo skora þær stuttu eftir það og það var stress í lokin, ég viðurkenni það," sagði Gunnar Magnús.
Keflvíkingar voru í basli með góða pressu gestanna í fyrri hálfleik og taldi Gunnar sína leikmenn leysa vel úr pressunni þegar tók að líða á leikinn.
„Við náðum að leysa pressuna seinni hlutann af fyrri hálfleiknum og töluðum um það í hálfleik. Það kom svosem ekki mikil hætta þegar við fengum skyndisóknir í bakið á okkur en þær gerðu þetta mjög vel og lokuðu vel á okkur."
Keflavík er með sex stig eftir tvær umferðir og stefnir á að komast upp í Pepsi-deildina.
„Við förum ekkert leynt með að við stefnum á að vera á toppi deildarinnar í lok leiktíðar. Það er bara eðlileg þróun hjá okkur að stefna á að vinna þessa deild."
Athugasemdir