Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 16. maí 2020 14:15
Guðmundur Aðalsteinn Ásgeirsson
Eto'o segir Diouf að slaka á í víninu: Þetta er engin umræða
Samuel Eto'o.
Samuel Eto'o.
Mynd: Getty Images
Fyrrum sóknarmaðurinn Samuel Eto'o segir að enginn vafi sé á því hver sé besti fótboltamaður sem komið hefur frá Afríku.

El-Hadji Diouf, sem lék meðal annars fyrir Liverpool á ferli sínum, sagði nýlega að hann væri besti sóknarleikmaður sem hefur komið frá Afríku. Oftast er nú talað um Didier Drogba og Eto'o í umræðunni um besta fótboltamann í sögu Afríku.

Eto'o er ekkert hógvær. Hann segist einfaldlega sjálfur hafa verið bestur og segir hann vin sinn Diouf þurfa að slaka á í víninu.

„Bróðir minn Diouf virðist hafa villst aðeins í glasinu. Það er engin umræða," segir Eto'o.

„Enginn þeirra (Diouf og Drogba) getur sagst hafa verið með mína hæfileika og mín gæði. Það er staðreynd. Ég vildi vera númer eitt og var það á ferlinum."

Eto'o spilaði með Real Madrid, Mallorca, Barcelona, Inter, Chelsea, Everton og fleirum félögum á sínum ferli. Hann var valinn besti fótboltamaður Afríku fjórum sinnum, jafnoft og Yaya Toure, en oftar en Drogba og Diouf sem unnu verðlaunin tvisvar.
Athugasemdir
banner
banner
banner
banner
banner